குறும்படமும் குவாட்டர் வோட்காவும்

ஒரு ஷாட் பிலிம் எடுக்கனும்?     

   

இந்த எண்ணம் எப்போது உதித்தது? ‘காதலில் சொதப்புவது எப்படி, அமுதா ‘ போன்ற படங்களை பார்த்த போதா? கனவிலா? ஆபிசில் வேலை இல்லாமல் இருக்கும்போதா?   இல்லை மடிவாலா பஸ் ஸ்டாண்டில் அந்த பிகருடன் பானிபூரி சாப்பிடும்போதா? தெரியவில்லை. ஆனால் உதித்தது.

ஷாட் பிலிம் எப்படி எடுப்பது?  சிறிது யோசனைக்குப்பின் பேப்பரும் பேனாவும் என் கையில்.

குறும்படம் எடுக்க தேவையான பொருட்கள்:

கேமரா

ஓசி கேமரால எடுத்தாதான் படம் நல்லா வரும்.

கதை & காமெடி

                                                           

தேவையான அளவு

                                                       

இசை

ஒரு டீஸ்பூன்.....மன்னிக்கவும்.....தேவையான அளவு. இதுக்குதான் என்ன பண்றதுன்னு தெரியல. பாத்துக்கலாம்

பல இரவுகள் யோசித்தபின் ஒரு அருமையான கதை என் மனதில் உருவானது. எல்லாவற்றையும் எடுத்துகொண்டு  என் அறை நண்பர்களிடம் ஆலோசனை கேட்க சென்றேன். எல்லோர்முன்னும் கேட்டால் 'போர்வையை போர்த்தி அடி விழும்' ஆபத்துக்கள் இருப்பதால் தனித்தனியாக சம்மதம் கேட்க முடிவு செய்தேன். 

நாங்கள் வசிப்பது மடிவாலாவில்  உள்ள ஒரு தீபகற்பவீடு(என்னாது? தீபா கர்ப்பமா?). அதாவது மூன்று பக்கம் லேடிஸ் ஹாஸ்டல்களாலும் ஒரு பக்கம் மளிகை கடையாலும் சூழப்பட்ட ரம்மியமான வீடு. அந்த வீட்டில் என்னையும் சேர்த்து மொத்தம் 6 பேர் வசிக்கிறோம். இதில் என்னைத்தவிர மற்ற எல்லோரும் மென்பொருள் நிறுவனத்தில் வேலை செய்பவர்கள்.

                                                          

"இந்த ABAP, ABAP னு சொல்றீங்களே! அப்டின்னா என்னடா? ஏதாவது கம்பெனி பேரா? நான்.

சில நேரங்களில் நான் இதைபோல் அவமானமும் பட்டதுண்டு

நாங்கள் அனைவரும் ஒரே வீட்டில் இருந்தாலும் எங்களுக்குள் அடிக்கடி குத்துச்சண்டை நடைபெறும்(குத்துச்சண்டையின் விதிமுறை கூட எங்களுக்கு சரியாக தெரியாது).

குத்துச்சண்டை போட்டியாளர்கள் முறையே

அசோக்(நான்) Vs தீபக் 

கௌதம் Vs கண்ணன்(மாடி) 

சரி கதைக்கு வருவோம். முதலில் தீபக்.....

"தீபக்! ஒரு ஷாட் பிலிம் எடுக்கலாம்னு இருக்கேன். நீ ப்ரீயா? என்ன சொல்ற?" நான்

“சாரிடா! ! I am in tight schedule you know(டைம் டேபிள் போட்டு வொர்க் பண்றமாதிரிதான்). என் கேர்ள்ப்ரண்ட் வேற என்ன உடம்ப குறைக்க சொல்லியிருக்கா? அதனால கஷ்டம். வேற ஆளப்பாரு” தீபக்

“சத்தியமா உனக்கு உடம்பு குறையாதுடா” என்று சொல்லிவிட்டு  அவன் பதிலை எதிர்பார்க்காமல் அடுத்தவனிடம் சென்றேன்.

“ரமேஷ்! ஒரு ஷாட் பிலிம் எடுக்கலாம்னு இருக்கேன். என்ன சொல்ற?”

“நல்ல விஷயந்தான். வெட்டியா இருக்கறதுக்கு இது மாதிரி ஏதாவது செய்யலாம். ஆனா எனக்கு நடிக்க வராதே!” ரமேஷ்.

"நீ இந்த படத்துக்கு மியூசிக் பண்ணு" அவன் முறையாக சங்கீதம் கற்று கீபோர்ட், கிடார் போன்ற வாத்தியங்களை கற்றுள்ளான்

"இப்ப எனக்கு மீட்டிங் இருக்கு. இதபத்தி நாம கண்டிப்பா டிஸ்கஸ்  பண்ணலாம்" ரமேஷ்

“ஏன் உங்களுக்கு இந்த தேவையில்லாத வேல? நானே எங்க கம்பெனில onsiteகுடுக்கலையேன்னு கடுப்புல இருக்கேன். இங்க வந்து குறும்படம், குப்பைத்தொட்டின்னு பேசுறீங்க. போங்க அந்த பக்கம். போய் வேற வேலஇருந்தா பாருங்க” -  மாடி வீட்டு கண்ணன்

"அப்படியா? சரி பண்ணலாம். ஆனா  ஒரு கண்டிஷன். நான் பாத்ரூம்ல இருந்துவெளிய வர மாதிரி ஒரு சீன் வைக்கணும்” - சுந்தர்

“ ராஜ். நீ என்னடா சொல்ற?” நான்

“ஏதோ சொல்றீங்க. கதை நல்ல இருந்தா நான் ரெடி” ராஜ்.

ஓரளவு எல்லோரும் சரி என்று சொன்னதும் கதையின் நாயகனானகௌதமிடம் கேட்க சென்றேன். அவனை நாங்கள் செல்லமாக 'பெரியண்ணா' என்றும் அழைப்பதுண்டு. இவனைப்பற்றி மட்டும் ஒரு சின்ன பிளாஷ்பேக்.

"கௌதம்! எனக்கு நாளைக்கு ஒரு இண்டர்வீயு இருக்கு. கொஞ்சம் ஃஹெல்ப் பண்றீங்களா?" - கார்த்திக்.(கார்த்திக் எங்கள் ரூமிற்கு ரெகுலராக வரும் விசிட்டர்).

"என்ன ஃப்ரோபைல்?" - கௌதம்

“எல்லாம் நம்ம வொர்க் பண்ற ஃப்ரோபைல்தான்”  கார்த்திக்

 

சரி! Full form of SAP when was SAP started?” கௌதம்    

"அப்டின்னா? ஐயோ எனக்கு தெரியாதே!" கார்த்திக்.                

“What is infospoke?”

“ஐயோ! கௌதம் என்ன சொல்றீங்க? கொஞ்சம் தெளிவா சொல்லுங்க” கார்த்திக்

“what are the types of DSos?” கௌதம் 

“????????????????????”கார்த்திக்

“what is BW?” கௌதம்

“????????????????????????????????????????????????????”கார்த்திக்

இதெல்லாம் SAP ல ரொம்ப முக்கியமான கேள்வி. இது தெரியாம நீங்க எந்த இண்டர்வீயுவும் ஃக்ளியர் பண்ண முடியாது. கௌதம் இன்னும் பலகேள்விகளை கேட்டு கார்த்திக்கை  குழப்பிக்கொண்டிருந்தான்.  

மறுநாள்

“Hi karthik! How was your interview?” நான்.

"ஃகான்பிடண்ட்டோடதான்  இருந்தேன். கௌதம்கிட்ட டிஸ்கஸ் பண்ணதுக்கு அப்புறம் ஃகான்பிடண்ட் போய்டிச்சு. அதனால இண்டர்வீயு போகல" - கார்த்திக். அருகில் கௌதம் குறட்டைவிட்டுதூங்கிகொண்டிருந்தான் (இவனுக்கு அடுத்தவங்கள குழப்புறதே வேல).

நான் இவனிடம்தான் சம்மதம் பெற்று படத்தை எடுக்கவேண்டும்.


"ஊர்ல  ஒன்னு சொல்லுவாங்க?" கௌதம்

"என்னடா?" - நான் 


"வேலில ஏறி ஓணான் பிடிக்க தெரியாதவன், வானத்துல ஏறி நிலாவபிடிப்பேன்னு சொன்னானாம்." கௌதம்


"டேய்! இத உனக்கு சொன்னதே நான்டா" நான்


உனக்கு ஒரு போட்டோவே ஒழுங்கா எடுக்கதெரியாது. நீ படம் எடுக்கப்போறியா? கௌதம்.

"நீ வேணும்னா கேமராமேனா இருடா! நம்ம ஒரு நல்ல படம் பண்ணலாம்" நான்

"இதப்பாரு அசோக்! நீ நினைக்கிற மாதிரி இல்ல. குறும்படம்னா ஒரு விஷயத்த ஆழமா பதியுற மாதிரி பத்தே நிமிஷத்துல சொல்லணும். 
நீ கேமரா எந்த ஆங்கிள்ள செட் பண்ணுவ? என்ன ஸ்க்ரீன்ப்ளே? எடிட்டிங் எப்படி பண்ணுவ? இதெல்லாம் தெரியாம நீ படம் எடுக்க முடியாது. அப்படியே நீ சரியா பண்ணாலும் நடிக்கறவங்க நல்லா நடிக்கணும். அதுதான் முக்கியம்.

"சரி! யாரு நடிக்க போறா?" கௌதம்

"நம்ம ரூம்மேட்ஸ்தான்"

"க்கும்! வெளங்கிடும். என்ன கதை வச்சிருக்க?" கௌதம்

“சைக்கோ த்ரில்லர்"

"சுத்தம்! சரி விடு!...........நான் ஹெல்ப் பண்றேன்..........ஒரு பீர், குவாட்டர் வோட்கா, சிக்கன் எல்லாம் ரெடி பண்ணிட்டு நைட் டிஸ்கஸ் பண்ணலாம்.ஓகே வா? கௌதம்


"இந்த உதவிய நான் என்னைக்கும் மறக்க மாட்டேண்டா" அவன் இதற்கு ஒத்துக்கொண்டதே பெரிய விஷயம் என்பதால் இரவு நடக்கப்போகும் பயங்கரத்தை அறியாமல் அவனுடன் ஒயின்ஷாப் சென்றேன்

டிஸ்கஸன்

"கண்ணா! என்னடா அப்படி பாக்குற? சரக்கு அடிக்கறதும் ஒரு வகையான தியானம்தாம்" கௌதம்.


வோட்கா ஒரு ரவுண்ட் முடிந்தவுடன்


"உங்க கதை என்ன? நல்லா தெளிவா சொல்லுங்க" ரமேஷ்


"ஷாட் ஓபன் பண்ணா....................." நான்


"எனக்கொரு ஓபனிங் சாங்" கௌதம்


"எனக்கொரு பைட்" ராஜ்


"எனக்கொரு ரேப் சீன்" சுந்தர்.

"டேய்! நம்ம எடுக்கபோறது ஷாட் பிலிம்டா. கமர்சியல் பிலிம் இல்ல. அதுவும்இல்லாம சரக்கு அடிச்சவன்களே அமைதியா இருக்கும்போது, கொயால! sprite  குடிச்சிட்டு உனக்கு ரேப் சீன் கேக்குதா"  நான்.  

"அசோக்! ஒரு ஷாட் பிலிம் எப்படி எடுக்கணும்னா...................................." கண்ணன்


"சொறி பிடிச்ச மொன்ன நாயே! உனக்கு ஷாட் பிலிம் பத்தி என்ன தெரியும்?" கௌதம்


"எனக்கு தெரியாதுன்னு உங்களுக்கு தெரியுமா?" கண்ணன்


அவர்கள் இருவருக்கும் வழக்கம் போல் குத்துச்சண்டை ஆரம்பித்தது.


"ஷாட் பிலிம்ம விட்ரா! நம்ம கம்பெனி பத்தி உனக்கு என்ன தெரியும்? மூணுவருசமா வேல செய்றியே. நம்ம கம்பெனி MD  பேர் தெரியுமா?


"எனக்கு தெரியாது. தெரியணும்னு அவசியமும் இல்ல. அவன் பாரின்ல இருக்கான். நான் வேல செய்றேன். சம்பளம் தராங்க. அவ்ளோதான். நான் எதுக்கு அவன் பேரு தெரிஞ்சுக்கணும்" கண்ணன்

"நம்ம ஆபீஸ் பஸ்ல மொத சீட்ல உக்கார்ற பொண்ணு பேரு என்ன?" ரமேஷ்

“carien du toit” 

"அவ பேரு மட்டும் ஏன் தெரிஞ்சுவச்சிருக்க. ஏன் கம்பெனி MD பேரு தெரில" ரமேஷ்

நான் என்ன நடக்கிறது என்று தெரியாமல் விழிக்க, மீதி நால்வரும் கண்ணனை பிடித்து பிழிந்துகொண்டிருந்தனர். நான் கூறுவதை யாரும் கேட்பதைப்போல் தெரியவில்லை. இவர்களின் தொல்லை தாங்காமல் அரை மணிநேர போராட்டத்திற்குபின் கண்ணன் அவர்களிடம் சரணடைந்தான்.

"ஓகே. MD பேரு ஃபெரோஸ். போதுமா?" கண்ணன்.

அவனை கொடுமைபடுத்திய சந்தோசத்தில் மீதியிருந்த பீரையும் காலி செய்தனர் நண்பர்கள்.

"ஷாட் ஓபன் பண்ணா............................." நான்

"டேய் பாடு! உன் கதைய தூக்கி குப்பதொட்டில போடு. இங்க எவ்ளோ பெரிய பிரச்சனை போய்கிட்டிருக்கு................................ஷாட் பில்மாவது........................வெங்காயமாவது...................................." கௌதம் 

"டேய்!  சொல்றா......ஃபெரோஸ்க்கு ஸ்பெல்லிங் சொல்லு. *த்தா! இப்ப ஸ்பெல்லிங் சொல்லிட்டுதான் நீ வெளிய போற" கௌதம்.

கண்ணன் கையில் பாட்டிலும் கண்களில் ஃபயருமாக கொலைவெறியுடன் எங்களை நோக்கினான்.

"இன்னும் ஒரு வார்த்த பேசினீங்க. இங்க நடக்கறதே வேற" கண்ணன்

"மச்சி! டேக் ஆஃக்ஷன் சொல்லாமையே  பின்றியே!. நம்ம படத்துல நீதான் சைக்கோ.......சாரி....ஹீரோ......." நான்  

 "போங்கடா நீங்களும் உங்க டிஸ்கசனும். நான் இனிமே இந்த ரூமுக்கே வரமாட்டேன்" சொல்லிவிட்டு ஒரு பீர் பாட்டிலையும் உடைத்துவிட்டு வெளியே சென்றான்.

பீரும் வோட்காவும் கலந்த வேதியியல் வினையில் என் குறும்படம் கேட்டலிஸ்ட்டாக உபயோகிக்கப்பட்டு முற்றிலுமாக கரைந்துபோனது.

அதன்பிறகு அதைப்பற்றி யாரும் என்னிடம் பேசவில்லை. நான் எடுத்த சிறு சிறு முயற்சிகளும் வீணாயின. நான் எல்லாவற்றையும் மறந்துவிட்டு அடுத்த வேலைகளை பார்க்க சென்றேன்.

இரண்டு மாதம் கழித்து,

அன்றுதான் அவனை முதலில் பார்த்தேன். புது ரூம்மேட். பேரு பிரபாகர். ஒரு சாயலில் பார்ப்பதற்கு பிரதாப் போத்தன் போல இருந்தான்.


இவனை வைத்து ஒரு படம் எடுக்கலாமா? வேண்டாம். என் நண்பர்கள்எதையாவது சொல்லி கலைத்துவிடுவார்கள்.


திடீரென ஒரு நாள்,

"ப்ரண்ட்ஸ்! நம்ம எல்லாரும் சேர்ந்து ஒரு ஷாட் பிலிம் எடுக்கலாமா? என்கிட்டே ஒரு சூப்பர் கதை இருக்கு

“சைக்கோ த்ரில்லர்"  பிரபாகர்